White Nights
(J.D. Lim)
tumingala ka't silayan ang kalangitan
tila ayaw patalo ng liwanag sa dilim
tapo0s na ang araw
pero 'di nagpapagapi sa gabi
white nights daw ito
'di tuluyang paglubog ng araw
'di tuluyang nilalamon ng dilim
nag-aagaw buhay ang liwanag
malamlam na pag-asa sa bangis ng gabi
pero bakit?
'di ka ba napapagal?
tama na
pabayaan nang maghari ang dilim
nariyan ang luna
ang kanyang liwanag
ang papawi sa bagsik ng dilim
'wag kang mag-alala
bukas ay darating din
matatapos ang dilim
magwawakas ang gabi
at ikaw liwanag
maghaharing muli
itigil mo na ito
pabayaan ang gabi
araw ika'y humimlay na
may bukas na naghihintay
Sa aking himlayan, Brgy. Sta. Ines, Bulakan, Bulacan
Nobyembre 29, 2008 05:45:08 P.M.
Like this post? Subscribe in a reader
0 (mga) komento:
Mag-post ng isang Komento