Ang ika-siyam sa serye ng aking mga tula. Magtatapos na ba dito ang lahat? Marahil.. hindi. 'Di magwawakas ang lahat sa mga tula. Dahil kulang pa ang mga salita upang isigaw ang aking pagmamahal sa kanya.
Ang Wakas (Daw)
ni J.D. Lim
lahat ng inumpisahan
lahat ng nasimulan
may wakas
kahit gaano kasaya
kahit gaano kalungkot
ito'y pansamantala lang
darating din ang katapusan
lahat ng paghihirap
lahat ng pasakit
lahat ng pagdurusa
mawawala't titigil din
wala ka nang mararamdaman
manhid ka na sa sakit
ngunit 'di yata't mahirap wakasan
isang pag-ibig na tapat
isang pag-ibig na ngayon lang natagpuan
isang pag-ibig na 'di na muling makikita
kaya ko ba?
tatapusin ko na ba?
hindi. hindi.
hangga't 'di napipigtas ang hiblang]
nagdurugtong ng buhay at pagpanaw
hangga't 'di nawawalan ng kinang
ang mga tala sa langit
hangga't 'di natutupok ang alab
ng aking pagmamahal
'di ako bibitaw
'di ako susuko
hanggang huli
hanggang kamatayan
'di magwawakas ang lahat sa pagkabigo
'di magwawakas sa isang tula
pagkat nagsisimula pa lang ang lahat
Barangay Sta. Ines, Bulakan, Bulacan
Disyembre 3, 2008 9:36 P.M.
Like this post? Subscribe in a reader
0 (mga) komento:
Mag-post ng isang Komento